របួស និង​ សង្គ្រោះបន្ទាន់

មជ្ឈមណ្ឌលសេវាកម្មសង្គ្រោះបន្ទាន់វេជ្ជសាស្រ្ត នៃម​ន្ទីរពេទ្យរ៉ូយ៉ាល់អង្គរ បើកបំរើ ២៤ម៉ោង។​ យើង ស្ថិត​នៅជាមួយលោកអ្នកជានិច្ចកាល។ យើងមានក្រុមគ្រូពេទ្យជំនាញ ផ្នែកសង្គ្រោះបន្ទាន់ ជាមួយនឹងសម្ភារៈឧបករណ៍ ទំនើបទាន់សម័យ ក្នុងការជួយសង្គ្រោះជីវិតអ្នកជំងឺ ហើយប្រាកដថា មានការថែទាំ និង​ព្យាបាល ដោយប្រុងប្រយ័ត្ន និង​ទាន់ពេលវេលាស្របតាមបទដ្ឋានបច្ចេកទេសខ្ពស់។  

ក្រុមការងារផ្នែកសង្គ្រោះបន្ទាន់(The Royal Emergency Services “RES”) និងរថយន្តសង្គ្រោះបន្ទាន់ដែលបំពាក់នូវ​ឧបករណ៍តាមបទដ្ឋាន នៃមន្ទីរពេទ្យបាងកក  (Bangkok Emergency Medical Services “BDMS”) ផ្តល់នូវសេវាកម្ម ទៅទទួលយកគ្រប់ជម្ងឺសង្គ្រោះបន្ទាន់ ខាងក្រៅមន្ទីរពេទ្យ។ អ្នកជម្ងឺនឹងត្រូវបានសង្រ្គោះក្នុងបន្ទាប់សង្រ្គោះបន្ទាន់ និងដាក់តាមដានក្នុងបន្ទប់ប្រពោធនកម្ម (ICU) មុននឹងបញ្ជូនទៅបន្ទប់ព្យាបាលទូទៅ ឬបន្ទប់វះកាត់។

ករណីអ្នកជម្ងឺចាំបាច់ត្រូវបន្តការព្យាបាល​នៅក្រៅប្រទេស​ ក្រុមការងារផ្នែកសង្គ្រោះបន្ទាន់នឹងរៀបចំបញ្ជូន តាមផ្លូវ អាកាសទៅបាងកក ឬប្រទេសនានាតាមរយះយន្តហោះជួល ឬយន្តហោះពាណិជ្ជកម្ម (charter or commercial flights) ។        

Patient Ambulance Services

ប្រពោធនកម្ម ចល័ត (Mobile ICU)

ប្រពោធនកម្ម ចល័តសម្រាប់ជនរងគ្រោះ ឬជម្ងឺរបួសធ្ងន់ធ្ងរ ចាំបាច់ត្រូវទទួលការសង្រ្គោះភ្លាមៗ។ក្រុមគិលានសង្គ្រោះ ផ្តល់ នូវការព្យាបាលភ្លាមៗ ជាមួយនឹងឧបករណ៍ និងសំភារៈវេជ្ជសាស្រ្តទំនើបបំផុត (ឧទាហរណ៍៖​ ដូចជាឧបករណ៍​ជំ​នួយ​ដង្ហើម (e.g. the Nasal CPAP (Nasal continuous positive airway pressure), ប្រព័ន្ធអុកស៊ីសែន (oxygen supply) ​ឧបករណ៍បឺតស្លេះ (suction equipment), ឧបករណ៍តាមដានសំពាធឈាម (blood pressure monitoring), ឧបករណ៍បញ្ជាតំណក់សេរ៉ូម, ឧបករណ៍ត្រួតពិនិត្យចលនានៃសាច់ដុំបេះដូង និងឱសថសង្រ្គោះបន្ទាន់ ជាដើម។ ក្រុម​គ្រូពេទ្យសង្គ្រោះអាចធ្វើការជួយសង្គ្រោះអ្នកជម្ងឺ ដូចនៅសាលប្រពោធនកម្ម ​​ក្នុងមន្ទីរពេទ្យដែរ។

គិលានសង្គ្រោះតាមផ្លូវអាកាស (Air Ambulance ) 

មន្ទីរពេទ្យរ៉ូយាល់អង្គរ បានសហការជាមួួយ មន្ទីរពេទ្យបាងកក ប្រទេសថៃ ក្នុងការផ្តល់សេវាកម្ម​សង្គ្រោះអ្នកជម្ងឺ បន្ទាន់​តាមជើងអាកាស ក្នុងករណីដែលមានឧបត្តិហេតុបន្ទាន់បំផុត​ក្នុងការជួយជីវិតជនរងគ្រោះ។ ឱកាសដ៏ ប្រសើរបំផុតក្នុង​ការព្យាបាលជម្ងឺ គោលការណ៍ជាទូទៅ អ្នកជម្ងឺត្រូវធ្វើការព្យាបាលអោយបានមុន​ ពេល នៃរោគ សញ្ញាលេចឡើង។​ ជម្ងឺធ្ងន់ៗជា​ច្រើន មិនលេចចេញនូវរោគសញ្ញាពីដំបូងឡើយហើយអាចបន្ត ជាខែ ទំរាំដល់​ពេលលេច​ចេញនូវ រោគសញ្ញា។ ​ខណៈដែលស្តែងចេញជារោគសញ្ញាជួនកាលយឺតពេលក្នុងការជួយសង្គ្រោះ​ឬក៏​ព្យាបាល។