ផ្នែកខួរក្បាល

រោគសញ្ញាមួយចំនួនដូចជា ឈឺក្បាលធ្ងន់ធ្ងរ ចង្អោរ ក្អួត សភាពទន់ខ្សោយភ្លាមៗនៃជើង ឬដៃ ផ្ទៃមុខប្រែប្រួលខុសប្រក្រតី និងភ្លាមៗមានការនិយាយមិនច្បាស់ គឺជាសញ្ញាសំខាន់នៃជំងឺដាច់សរសៃឈាមខួរក្បាល ដែលអាចបណ្តាលមកពីការស្ទះសរសៃឈាម ឬហូរឈាមក្នុងខួរក្បាល។ អ្នកជំងឺត្រូវមកមន្ទីរពេទ្យជាបន្ទាន់ដើម្បីពិនិត្យដោយប្រើម៉ាស៊ីនស្កេន (CT Scan) ដើម្បីរកឱ្យឃើញនូវបញ្ហាសំខាន់ និងផលប៉ះពាល់នៃរោគសញ្ញាទាំងនេះ។ ផ្តល់ការព្យាបាលភ្លាមៗដែលជាក់លាក់នៃបញ្ហាដែលបានរកឃើញតាមរយៈរូបភាពរោគវិនិច្ឆ័យ អ្នកជំងឺអាចត្រូវបានជួយសង្គ្រោះ ពីភាពពិការផ្នែកអវៈយវៈផ្សេងៗ។

នៅប្រទេស​កម្ពុជាគ្រោះថ្នាក់​ចរាចរណ៍​ ជា​មូលហេតុ​ចម្បង​ធ្វើអោយ ​ប្រេះស្រាំ​ឆ្អឹង​លលាដ៏ក្បាល និង​ដាច់​សរសៃឈាម​ខួរក្បាល​ក្នុង​ ។ ជនរងគ្រោះនៃឧបទ្ទវហេតុត្រូវការធ្វើរោគវិនិច្ឆ័យជាបន្ទាន់ និងការវះកាត់ ដើម្បីកាត់បន្ថយហានិភ័យនៃការប៉ះពាល់ដល់ខួរក្បាលជាអចិន្ត្រៃយ៍ ឬពិការភាព។